We are #1 on Social Media

Faef Armi blong Indonesia oli Saspen from oli Toktok nogud long ol yangfala blo Papua

Jakarta Post hemi ripotem se Brawijaya Military Command long East Java oli suspendem faef man blong armi mo naoia oli stap investiketem olgeta from oli sakem ol rapis toktok olsem ‘racial abuse’ akensem ol yangfala long wan skul long Surabaya rijen.

Olgeta man blong armi ia i kat Tambaksari subdistrict military command (Koramil) chief Maj. NH Irianto, wetem fo nara ofisa we oli wok andanit long Koramil

Ol man blong armi blo Indonesia wetem sam nara memba blong sam okanaesesen oli bin go insaed long wan haus we ol yangfala blong papua i slip insaed long hem mo arestem olgeta folem wan ripot se oli bin bonem wan flag blong Indonesia long 74th Indipendens dei aotsaed long skul blong olgeta.

Afta long insiten ia, i bin kat wan video we i go raon we i soem ol man blong armi wetem sam man Indonesia oli stap sakem ol rapis toktok mo singaot manki mo pig long ol yangfala blong papua mo sam oli sakem ol ston mo singaot se kilim ded olgeta.