We are #1 on Social Media

Woman Cricket National team

Woman Cricket National team

Healthwise Supa Series Blong Pripea from Spg Gems

Woman Cricket National team
Woman Cricket National team

“Healthwise Supa Series” we I stap olsem Matoa Series I bin stat long tri wiks we i pass mo bambae oli kohed blong wo long hem long fo mo wiks.

Cricket kompitisen ia bambae i karem ol 24 gudfala talented women long Vanuatu Cricket mo bambae oli kat janis blong stap long seleksen blong nasonal tim we bambae oli representem Vanuatu long Saot Pasifik Gem we bambae i stap I no long taem long yia ia .

“Saot Pasifik Gem hemi blong priperem ol womens cricket from Cricket World Cup we deit blong hem I no konfem yet mo hemi impoten blong ol Women Crickets long evri kantri oli mas rere o tren plante blong tekem pat long hem,” koj blong nasonal cricket tim, Chris Moran I talem.

I kat 14 gudfala women cricket pleia we bambai oli representem kantri Vanuatu long saed blong cricket blong tekem pat long Saot Pacific Gems.

Ol ekstended gudfala pleia blong women Cricket oli bin stat blong stap ranem trening blong olgeta tu aftanun long wan wik wetem koj Chris mo bambae long manis ia bambae I lukim oli tekem training evri tri aftanun long wan wik olsem depend long koj blong olgeta.

“Hemi wan plesha blong lukem se fulap Vanuatu kels I kat komitmen blong attendem trening, plei, mo oli kam antap bigwan long saed blong cricket skills blong olgeta,” koj Chris Moran I talem.

Long koplisen blong Healthwise Supa Series, ol pleia blong Vanuatu cricket bambae oli karem 16 woman nomo aot long 24 pleia. Ol squad ia bambae oli join tu blong tekem pat long wan tunamen we Vanuatu Cricket Asosiesen anda 17 boes bambae i hostem blong priperem olgeta from SPG gems.

Long narasaed blong stori, Womens cricket tim blong Eton i kat inisietif blong save kam tekem pat long last satedei gems we hemi wan gudfala wei blong imruvum cricket skills mo save blong olgeta long spot disaplin ia.

Koj blong Nasonal Tim blong Cricket long Vanuatu I talem se “mo tu hemi givem janis ia long mi blong mi save wok wetem olgeta mo sem taem tijim olgeta long niufala skills we oli save luk mo save ol tactics blong wan cricket gem taem oli stap long fil.”

Emi kohed blong talem se VCA Crickets Womens Kompitisen bambae hemi stat I no long taem long yia ia long manis blong Septemba mo bambae I kat sikis cricket womens Tim we bambae oli kat janis blong tekem pat long hem.

Eni woman we i wantem blong joinem spot ia cricket. “Hemi wan janis tu blong faenemaot wan gudfala pleia we bambae I save representem Vanuatu long ol intanasonal cricket gem raon long wol,” Koj Chris I konklud blong talem.