Israel emi Sendem ‘Humanitarian Aid’ long Vanuatu

Israel emi kontiniu blong sendem ‘humanitarian aid’ long Vanuatu mo las manis oli sendem ol spesel kaikai blong sapotem olgeta we saeklon Pam i bin kilim nogud olgeta.

Aid ia emi ol kaikai we i rij long ‘nutrients’ mo helti wetem ‘balance diet’, wan kampani oli kolem e’pap teknoloji nao oli wokem mo hemi olsem wan paoda ‘porridge’.

Kaikai ia emi olsem porij oli mekem aot long ‘maize’ mo ‘soya’ wetem wan spesel mix blong ‘MICRO-Nutrients, mo oli mekem blong fidim olgeta we oli hangre blong ded mo oli stap saplaem plante long ol ‘hunger strike’ kantri olsem Africa.

MASHAV we hemi ‘Israel’s Agency for International Development Cooperation in the Foreign Ministry’ nao bin givim long IsraAID we hemi ‘The Israel Forum for International Humanitarian Aid’, blong olgeta i distribiutim.

https://t.co/BP98FNwrYy https://t.co/nI0upsr7B1

— LA JOCK (@LAJOCK_weho) November 21, 2015

IsraAID i stap long Vanuatu long taem finis afta long saeklon Pam oli bin kam helpem Vanuatu mo emia i kontiniu long wok blong olgeta blong helpem ol aelan we oli sot long kaikai afta saeklon i kilim mo El Nino we stap afektem kantri naoia.

Kontent Kreator

A content creator who loves living and blogging about the coconut islands.

See author's posts