We are #1 on Social Media

The Official Ceremony

Kraon Breking Seremoni Blong Bikfala Wof

The Official Ceremony
The Official Ceremony

Long namba 9 Februari 2015 i makem wan histori blong Luganville bakeken we pipol blong noten taon ia i bin witnesem wan seremoni blong wan projek blong mekem bikfala mein wof blo nambatu taon ia kam long wan gudfala standet bakeken.

Kraon breking seremoni ia i bin tekem ples long bikfala wof blong NISCOL mo i bin open wetem wan kastom seremoni we i lidim delegesen blong kavman mo ol nara bikman i go insaed long bilding wetem ol
singsing blong nasonal anthem blong China mo Vanuatu we olgeta Vanuatu
Mobile Force oli lidim.

Flower Girls on the ready
Flower Girls on the ready

Afta long prea, meya blong Luganville Erick Vuti i bin mekem wan opening toktok mo welkam toktok long delegesen blong kavman mo pablik mo hemi presem bikwan tingting blong wok we bae i hapen long nambatu taon ia we hem i lukaotem.

Vaes presiden blong Shangai konstraksen krup, Mr. Qin i talem bikfala tankio blong hem long kavman blong Vanuatu blong save alaoem olgeta blong kam wok wetem koperesen we i stap bitwin tufala kantri mo hemi assurem pipol blong Sanma mo kavman se olgeta wan kampani blong wok we i bikwan mo oli kat gud experiens.

Xie Boshua we hemi Chinese Ambassador long Vanuatu we hemi pat blong delegesen i talem se kavman blong China i glad tumas blong helpem Vanuatu long projek ia mo hemi bilif se bae helpem bikwan tourism industry mo ol nara sector, mo i presem bikwan frensip we China mo Vanuatu i gat.

Students being part of the ceremony
Students being part of the ceremony

Praem Minista Natuman hem i exchangem ol semak toktok mo talem bikfala tankiu blong Vanuatu i go long Chinese kavman mo Shangai konstraksen krup blong save mekem se ol wok i save gohed blong jenisim mo mekem
wof blong noten taon ia i kam antap long wan gudfala standet mo bae hemi save helpem ekonomik aktifiti blong Sanma provins mo Vanuatu.

Wan memba blong pablik i se hemi proud tumas lo niufala projek we bae i kam mo ol lida blong yumi oli soem rod ia nao blong mekem se Santo i gat gat ekonomik growth.

Seremoni ia i bin en wetem ‘ribbon cutting’ we PM Natuma, Minista blo pablik infrastrkja, presiden blong Sanma, Mayor blong Luganville, Ambasada blo China mo Vaes presiden blo Shangai konstraksen krup, oli mekem lo fored blong kavman delekesen mo pablik long Luganville taon.

What the wharf will look like
What the wharf will look like