We are #1 on Social Media

Las Awarenes Miting Blong Takara Jiotemal Projek

Takara (photo courtesy of Geo-dynamics)
Takara (photo courtesy of Geo-dynamics)

Las awarenes miting blong Takara Jiotemal Paoa Projek, i bin tekem ples long Thursday 29 January 2015.

Long taem ia I bin gat Riprisentetif blong Geodynamics,Director blong Climate Change, Jotham Napat,ol narafala bigbigman mo ol kastom ona blong Takara, we long taem ia nao full Ripot blong Environmental Impak Assesmen blong Projek I bin kamaot.

Bambae I kat wan 3 man delegation we I kat insaed, riprisentetif blong ol Jif mo pipol blong Takara,we bambae oli ko long New Zealand , blong ko lukluk ol ples we I kat Geothermal Plant I stap long hem mo kasem sam save long hao nao i wok.

Ol wok blong ol fes stage blong Projek I sud stat long yia ia 2015. Long taem ia bambae I gat ol Community Benefits Program we bambae i kirap long komunity.
Long wan consultation miting , long las yia bitwin Geodynamics mo ol mama long Komunity ia , ol mama oli bin askem ol difren projek we I save benefitim olketa espeselli taem fes stage blong Projek I stap gohed.Sam long olketa olsem Skul Laebri,Helt Senta mo wan Maket Haos blong ol mama we bae oli stap salem ol difren prodak blong olketa long hem. Sipos Projek I stop nomo long fes stage blong hem, Komunity I save stap benefit long ol projek ia.

Majority blong ol kastom ona oli agri bikwan blong Projek I save gohed.Taem Yumi Toktok Stret Niuspepa I bin stap askem tingting blong wan Kastom ona, hemi talemaot gladhat blong hem mo sapot blong hem long Projek, mo kohet blong talem se: ‘’hemi taem nao blong Vanuatu mo espeselli pipol blong Emau oli save benefit long Projekin Noei Futun.’’