Mansaumalo Komuniti I Risivim Ten Taosan Lita Wota Tank

Stat long naoia I ko, komuniti blong Mansaumalo bambae I nomo hadwok blong swim long toti wota blong krik afta we I lukim long las wik, bigfala lida blong Leba Pati, Joshua Tafura Kalsakau I donetem long olgeta wan 10,000 lita blong wota tank blong oli save yusum.

Long ol taem bifo kam kasem long wik ia, komunity ia I bin stap fesem hadtaem long saed blong wota we I mekem se oli mas kasem krik blong kasem wota blong hem blong yusum blong swim, wash mo usum blong mekem ol nara samting wetem.

 Maturine mo Gilou Carlot oli aot long Natatok Party blong MP Alfred Carlot mo ko joinem VLP.

Hemia hemi olsem wan drim kam tru long komuniti ia afta we hemi stap olsem wan nid blong olgeta longtaem finis be I neva kat wan help I kam long olgeta long MP blong olgeta olsem we oli stap ekspektem.

Long narafala nius,I luk olsem Efate naoia I stap rere finis from jenerol eleksen long nekis yia. Long las wik yet, long nasara blong Erakor vilij, pipol i pruvum se famle I minim nating long politik. Famle hemi famle mo politik hemi politik. Stret sista blong Minista Alfred Carlot, Maturine mo Gilou Carlot tufala I disaed blong muvaot long Natatok Pati blong Minista Carlot mo joinem VLP.

Hemia hemi kam klia long pablik taem wan smol kastom seremoni we I tekem ples bitwin ol famle Carlot ia wetem lida blong VLP, Joshua Kalsakau.

I kat wan grup blong ol yangfala long sem eria yet, oli stap plan blong sapotem VLP long nekis jenerol eleksen.

Julian Ligo

The current director for Yumi Toktok Stret. A strong advocator for the “internet” as a tool to support good governance. Currently promoting the internet as the tool to drive change and believes “media must play a better role in educating society”

See author's posts