We are #1 on Social Media

Pis Protes Maj long Port Vila wetem Let Joseph Tom

Ol Jif mo pipol blong Port Vila bae i bin mekem wan saelen wokabaot tete 3 Septemba wetem bodi blong let Joseph Tom tru long Port Vila.

Protes ia polis i bin apruvum tedei mo i stat long Vila sentrol hospital go tru long taon mo oli wokbaot kasem eapot taem oli flaem bodi blong let Joseph i go bak long Tanna.

Jif David Cook we hemi aplae from demonstresen ia i talem se bikfala tingting bihaen hem i blong tok akensem ol ‘assault’ o ‘killing’ we i stap hapen long Port Vila mo Efate tete.

Hemia bae hemi olsem namba 2 wokabaot we bae i hapen wetem wan ded bodi long Port Vila taon.

Wan i bin tekem ples finis we i lukim ol Jif mo pipol long Tongoa i wokabaot akensem kilim man i ded we i bin hapen sam yia i pas finis.

Jif David Cook blong Sulphur Bay komiuniti hemi serem bigfala sori long wanem we hemi happen mo hemi askem ol pipol blong lego problem ia i stap long han blong polis.

Jif Michel Lewawa blong saut Tanna hemi mekem kol tu i go long ol pipol blong oli wok tugeta blong stretem wanem we i happen long fasin mo kastom blong yumi long wan pisful wei.

Olgeta saspek we oli bin kilim Joseph Paul oli stap long han blong polis finis mo oli putum olgeta long ‘High risk Prison’ mo oli stap wet blong pas long kot.

Akting komisina blong polis hemi talem tok tankiu long ol pipol long koperesen we hemi stap folem ded ia mo hemi talem long pablik se Port Vila hemi oraet mo i sef nomo.

Komisina Karlshen i talem se olgeta jif oli saenem wan akriken blong wok tugeta blong i no mas kat narafala problem i hapen afta long insiden ia.

[Source: Social Media]