We are #1 on Social Media

Port Vila munisipol bae i putum ol ekuipmen blong Sports long Sea Front

Port Vila Munisipol bae i stat putum ol sports masin olsem we ol man I stap yusum long ol Gym long Sea Front.

Lord Mayor Ulrich Sumptoh hem i talem taem se ol pipol blong Port Vila oli save stap yusum ol masin ia insaed long Sea Front bifo “en blong manis ia (September)”.

Mr Sumptoh hem I mekem toktok ia afta we hem I risim ol sports ekuipmen long Ambassador blong China, Mr Liu Quan.

Port Vila Munisipol i kasem help ia tru long ol pipol blong Foshan City we Lord Mayor Sumptoh I setemap wan siister city arenjmen wetem olgeta long Novemba long las yia 2016.

Meia blong Port Vila t talem se long Foshan City, siti we oli save Bruce Lee long hem, ol pipol oli biliv plante long se man I save liv long taem sapos hem i save stap mekem ol smolsmol physical trening blong hem long evri dei.

Ol tul blong Sports ia hem i kamaot long ol pipol blong Foshan I kam olsem an gift blong ol pipol blong Port Vila.

Lord Mayor i talem se ples blong trening ia i save kam wan ples blong we ol pipol blong Port Vila I wokbaot blong faetem NCD mo go finisim wetem ol tening long ‘iron’ long Sea Front.

Port Vila Munisipol bae hem i putum ol sports masin ia long Stage long Sea Front fastaem.