We are #1 on Social Media

Rainbow Warrior under full sail towards Vanuatu. Speed 7.5 kts: Photo: Captain Mike Fincken, Greenpeace Captain

Rainbow warrior I kam lo Vanuatu blo delivarem ol aid relief

 

Rainbow Warrior under full sail towards Vanuatu. Speed 7.5 kts:  Photo: Captain Mike Fincken, Greenpeace Captain
Rainbow Warrior under full sail towards Vanuatu. Speed 7.5 kts:
Photo: Captain Mike Fincken, Greenpeace Captain

Rainbow Warrior hemi wan ship we greenpeace Pacific nao I sentem ship ia blo kam help blo diliverem rilif long Vanuatu.

Fulap lo ol pipol oli stil stap long nid blong emergency we oli nidim selta blo haos mo fulap nara samting we ariken Pam I distroem,afta tu manis we I pas.

Directa blo NDMO lo Port Vila,Shadrack Welegtabit I talem se yumi laki bigwan we greanpeace I save sendem ship ia Rainbow Warrior blo I kam helpem yumi blo distribiutem aid lo ol aelan mo lo ol cominiti.

“I gat fulap rilif we I kam insaet lo kaotri blo yumi mo oli stap distribiutem ko aot finis wetem ol help blo fulap kaotri raon lo wol mo tu oli bin sendem fulap man blong olgeta tu blo kam help blo ribiltim taon,skul mo fulap ples mo we i damaj nogud ol man ia I traem efot blong olgeta blo ribiltem kaontri blong yumi be blo deliverem aid I ko lo 23 aelan we oli damej nogud hemi no wan bigfala jalenj from Vanuatu I gat limit ship nomo we I avelabol blo distribiut lo ol aelan we I damej bigwan mo blo karem ol saplae ia hemi wan slo proses”. Mr Shadrak I tallem

Rainbow Warrior I kam lo Port Vila yestedei 17 mei, hemi karem ol rilif saplae olsem ol tul,sola toj,clos,ol samting blo kitjen,skul buk. Rainbow warrior ba I karem ol nara rilif we ol nara kaotri oli kim we I stap lo Port vila bae oli loadem I ko lo ship blo tekem I ko lo ol aelan we oli damej bigwan.

Bae oli tekem ol samting I ko lo aelan blo helpem ol pipol ia blo oli kam lo nomol laef blong olgeta afta we ariken I spolem olgeta.ol Aid agencies we oli bin kami a taem oli ko bak oli ripotem se Vanuatu I nidim sola toj from pawa mo electricity I no kasem gud evri man Vanuatu yet.Spokesperson Matisse Walkden-Brown blo Greenpeace Pacific I talem se sola toj ia bae save helpem bigwan yumi lo sefti blong yumi long ol area we Ariken PAM I damejem bigwan.