We are #1 on Social Media

RE- Complaint against former Acting Police Commissioner – JOB ESAU

Olsem wan concern parent mi write blo expressem disappointment blo mi lo kruket fasin we Acting Commissioner blo police Mr Job Esau emi makem lo selection blo own boy blo hem blo attendem years Chinese Scholarship lo wan Medical Military University lo China blo six yia.

Mi understand se initially, boy blo Acting Commissioner emi no even apply, bu some lo ol few pikinini blo mifala nomo oli apply. Later on taem we ol applications blo ol pikinini blo mifala I kasem Department blo Foreign Affairs blo ko lo Chinese embassy lo Port Vila, acting Commissioner emi personally intervene blo emi ko karem back ol applications ia blo kivim taem lo boy blo hem blo apply but by then closing date blo application i pass finis.

Also emi claim se some lo ol pikinini blo mifala oli no gat inaf qualification blo meetim ol criteria mo too some lo ol pikinini blo mifala i over lo age limit. Ol reasons blo acting commissioner emi no valid nating and mi olsem wan concern parent mo lo behalf blo mifala ol narafala parents mifala I no glad lo fasin blo corruption we leader ia emi makem blo recruitem own boy blo hem blo go. Mi understand too se i no even gat wan proper selection committee i set up blo lukluk gud lo ol applications.

Mi stap requestem ol authority please launchem wan urgent Commission blo enquiry lo case ia so that yumi save findem out truth mo too blo putum end lo kind fasin olsem ia. Leader ia emi holem wan high position lo force blo yumi and sapos yumi continue blo letem kind family business, favouritism mo nepotisim olsem I happen lo force mbae emi putum bigala question mark lo force blo Vanuatu.

Emi humble request blo mi olsem wan ordinary citizen blo Vanuatu se ol authorities concenrn oli takem issue ia seriously blo takem necessary action action quick taem so that trust mo confidence i save kamback lo force blo yumi.

Mifala i wantem save truth nomo behind lo selection ia. 
Tank yu tumas

Concern Parent
Port Vila