We are #1 on Social Media

Ol famili digim ol klos lo sanbij

Sam Pipol Oli Lusum Klosap Everi Samting Long Saeklon

Marou Vilij lo emau hemi damej gud lo Cyclone PAM
Marou Vilij lo emau hemi damej gud lo Cyclone PAM

Pipol I mas ko digim baeken ol klos mo ol sospen o or kitchen utensils long sanbij, afta we cyclone Pam I pass.

Hemia hemi hapen meinli nao long ol vilij or ol setelmen we oli stap klosap long solwota. Long Takara , long Not Efate sam pipol I mas werem sem klos we oli werem long naet blong saeklone kasem taem oli  faenem bak ol klos blong olketa mo draemap.

Long wan smol vilij long Emau, Marou,taem ol pipol I bin kambak daon long vilij, afta we oli bin ko faenem shelta antap long Mangarongo School,I olsem se I kat wan ded long vilij.

Samfala ful haos or kijin I ko long solwota, ‘’mi mi kat wan stoa, everi samting insaed long stoa, solwota I karem I ko, , includum ol fishing gear, mo ol offering blong jej we mi nao mi stap putum everiwan  I ko daon long solwota’’ Thomas Lakin Geoges , wan olfala long vilij ia I talem.

‘’Mi kijin blo mi i bin stap long ples ia nao,be taem saeklone I kam I karem everi samting I ko daon long solwota mi no moa luk’’ Georges Jeffery I talem.

Ol famili digim ol klos lo sanbij
Ol famili digim ol klos lo sanbij

Wan pasta long vilij, I bin lusum tu full haos blong hem, wetem everi samting insaed, olsem ol buk mo sam narafala samting bakeken.

I bin kat tufala volontia we tufala I stap kam everi yia, mo tufala I stap kam from smolsmol projek long aelan blong Malakula.

Taem tufala I bin harem nius abaot hemia, tufala i decide blong  kivim smol help blong klos blong ol bebi, I ko long mama we oli kat bebi.

Mr and Mrs Paul mo Jenny Backettsmith kam long wan okanaesesen we oli kolem LEFTEMAP SKUL MO HELT  mo naoia we tufala I kambak bakeken long yia ia blong mekem risej mo konsaltesen wetem Malampa Helt , blong bildim wan bikfala Aid Post long vilij blong Malvakal hemia long South West Malakula.

Ol mama long vilij oli talem bikfala thankiu long gudfala hat blong tufala.