We are #1 on Social Media

Teouma bridge afta lo Cyclone Pam: Photo source: Borneo Bulletin

Teouma Brij I Seves Gud Bakagen Blong Smol Taem

G.L Bani I raet

Teouma bridge afta lo Cyclone Pam:  Photo source: Borneo Bulletin
Teouma bridge afta lo Cyclone Pam:
Photo source: Borneo Bulletin

Long taem blong Tropikol Saeklon Pam long Satete moning namba 14 Maj, I lukim riva long Teouma I flow bigwan tumas mo I brekem saed blong brij mo i mekem se ol trak mo bus ino save ron antap long hem.

Ol pipol we oli liv long Teoumaville mo Rentapau oli fesem wan bigfala problem blong 3 dei olsem taem I lukim se oli mas stopem bus 2 taem blong save kam long taon or kobak long hoas or vaes vesa.

Olgeta pipol we oli liv long ol eria ia oli mas stopem wan bus we i putum olgeta long en blong brij mo oli mas wokabaot krosem brij mo stopem wan nara bus blong save kam long taon.

Afta long wan strakel blong amas dei we I pas oli manej blong sakem ston mo graon ova long damej long brij mo naoia rod I kam gud bakagen mo ol bus, trak draeva mo pipol long eria ia oli glad bakagen. Riva I ron slo bakagen mo brij I gud bakagen.

Emi wan temporary wok nomo we bambae I helpem ol resident long trifala eria ia blong shot taem nomo mo bambae I kat wok yet I stap blong mekem gud brij ia blong I kambak long semak level blong bifo bakagen.