We are #1 on Social Media

Wan tru Atlet

406347_10151008891614426_1430986660_n

Reynold Alatoa, vice president blong Vanuatu Atletik Asosiesen, hemi blong Ambae long wan smol vilij we nem blong hem hemi, Tanolavola mo hemi bon long namba wan Novemba 1960 long Lolowai District Hospital long eastern pat blong aelan ia.

Long taem we hemi smol hemi no intres tumas blong plei ol narafala spot disaplin be atletik nao hemi wan we hemi kat bigfala intres long hem. Ol hobi blong hem, hemi likem blong ridim buk, plei mo lisen long music, speseli nao rilijes wan, plei futbol mo kukum kakae.

Hemi kat faef yia taem hemi statem karia blong hem olsem wan atlet long skul. Hemi mekem praemeri edukesen blong hem long Lolopuepue skul long yia 1965 mo kohed long sekenri level blong hem long College de Saint Michel long aelan blong Santo long yia 1973 I ko kasem long 1977.

Long Saint Michel, hemi statem ol skills blong hem wetem help blong skul koj.Ol mein trak fil blong hem hemi 400, 800 mo 1500 Meta.
Wetem help blong ol ekspet blong atletik blong Ostrelia, Franis mo Inglan, long 1977, Mr Alatoa hemi impruvum bigwan ol atletik skils blong hem long Port Vila mo I mekem se hemi kam olsem wan pleia blong Raynolds Vallette Futbol Klab. Long evri ples we hemi ko, foma president blong Vanuatu Atletic, Mr Jean Bal Tranut hemi stap wetem hem olsem wan koj mo menta blong kivim advaes mo enkarajmen long Alatoa.

Nomata we Alatoa I stap mekem ol gudfala rekod long saed blong trakfil be hemi kat intres long futbol tu. Taem we fes eva Ambae futbol klab hemi bin stat long 1988, Alatoa hemi tingting blong transfea aot long Raynolds Vallette Futbol klab mo kam joinem niufala klab ia.

Hemi bin tek pat long Queen’s Birthday Athletics Championship tunamen we hemi tekem ples long medel blong yia 1979 mo oli bin elektem hem tu blong representem Vanuatu long saed blong atletik blong attendem Fes Pacific Mini Gems we hemi tekem ples long 1981.

Hemi fes taem we Reynold wetem Marie Estelle Kapalu we hemi 13 yia nomo long taem ia, taem tufala i travel aot blong representem kantri blong tufala Vanuatu long saed blong Atletik long Fes Pacific Mini Gems we hemi stap tu wiks long Solomon aelan long 1981. Afta long taem ia, Mr Alatoa hemi bin travel I ko long fulap kantri long wol mo rijen blong representem Vanuatu long saed blong atletik.

Afta we hemi kambak, Alatoa hemi no spel, hemi ko hed blong tren from bambae hemi respresentem Vanuatu bakeken blong tek pat long saed blong atletik blong ko long namba tu Pacific Mini Gem we hemi stap long Western Samoa long 1983, namba tri Pacific Mini Gems long Fiji long 1984 mo namba fo Pacific Mini Gem we hemi stap long Cook islands long 1985.

Last Pacific Mini gems we Alatoa hemi bin tek pat long hem, hemi long Cook Islands mo folem sam pesonal isiu i mekem se hemi nomo save representem Vanuatu. Long 1985 hemi maret mo nao ia hemi kat faef pikinini.
Vanuatu Nasonal Atletik Asosiesen i putum hem olsem wan illogical koj blong olgeta tim taem we hemi stop blong representem kantri long 1985 mo hemi

Blong statem karia blong olsem wan koj, hemi bin ko long fes trening blong hem long Intanasonal Amata Athletics Federations (IAAF) long Fiji we hemi tekem ples blong tu wiks hemia long 1993 mo kam bak blong kojem Vanuatu Atletiks blong tekem pat long Pasifik Mini Gems we Vanuatu hemi hostem long semfala yia.

Stat long 1995 kasem yia ia 2015, hemi wok anda long Vanuatu Nasonal Atletiks blong kojem ol niu inteks blong atletik we oli stap travel aot long kantri blong representem Vanuatu ovasi. Mr Alatoa hemi kojem ol tim olsem nasonal tim mo ol lokol tim olsem Penama Provins Atletik tim mo tim blong hem we hemi Eagles Athletic Club we I jes stat long 2013.

Naoia Mr Alatoa hemi stap olsem koj blong Penama Provins Atletik tim, Eagles Atletik klab mo sem taem hemi President blong Port Vila Athletic League.